E Kaluan me Sukses Provimin e Hatmes së Kur’anit Nxënësit e Xhamisë së Epërme në Çellopek

Nxënësit e Mektebit të Xhamisë së Epërme në fshatin Çellopek, të cilët me përkushtim të lartë mësohen nga mualimi Mr. Nuri ef. Ganiji, ditën e mërkurë, 19 nëntor 2025, e kanë kaluar me sukses provimin e hatmes së përfundimit të leximit të plotë të Kur’anit Fisnik.

Provimi përbëhej nga testimi i leximit, mësimit përmendësh dhe njohurive të përgjithshme nga ilmihali. Komisioni i provimit të mbajtur sot ishte i përbërë nga referentët: Idris ef. Idrizi, Mr. Mahmud ef. Emini dhe Mr. Xhemil ef. Sadiki.

Ju urojmë nxënësve shumë suksese gjatë ceremonisë së hatmes dhe në rrugëtimin e tyre të mëtejshëm në mësimin e Kur’anit dhe diturive fetare.